Pasand Ki Shadi......!

As Salam O Alaikum

Mere Who tamam betay betian Jo Abhi tak achhay rishto ke Intezar mai hai un ke liay yeh aik Chota sa Azeem ul martaba Amal diya jaraha hai ba ijjazat.

Pasand Ki Shadi karnay ke Aazmoda Aur Kamyab Amal:-

Sharayat (Condition):-

Is Amal Ko sirf woh log kar saktay hain jo pak aur Saaf rehtay ho. Waqt ki aur aik hi Jagah ki Pabandi kar saken , agar yeh Mumkin Nahi tu ap yeh Amal na Karen.. Nuqsan ka Andsha ho ga.

Amal karnay se 15 din Pehlay Har Qism ka Gosht , kachha Lehsan , Kachhi Piyaz ka Istemal Bulkul bund karna ho ga.
Aur Apnay deen aur Dharam ke Hisab se apni Farz ibbadat ka khas khayal rakhna Hoga.

Aur is amal ke liay ap ko Aik naya Libbas (cloth) Aur Alag Kamray (room) ki zaroorat hai jahan Raat ko ap ke illawa koi na Aaye. Din mai gher mai koi bhi use karay masla nahi hai.

Chand Ki pehli Itwar ( first Sunday By Moon) se is Amal Ko Shoro Karna Hai.

Zarooriat Amal (Things required):-

Macca (Corn) ke dano kp 2100 Tadad mai gin ke (Count) kar ke Alag Karen.
Note ( 2100 har roz new danay ap ko lana ho ge. 21 din tak)
Chirag Jala ke Parna hoga kissi bhi oil ko use Karen magar tail khalis ho ga…..jo libbas (cloth) ap use karen who 21 din tak wohi use karna ho ga sirf Amal ke waqt (21 days tak wash nahi karna hoga ) sirf amal ke waqt pehnay ap asani ke liay…... har Roz Shoro Aur aakhir mai 21 Bar Dorood Sharif Pak Apni aasani se Parna ho ga. Aur har danay pe Aik bar (salamun qawlan min rabbin rahim) parna Parega .
Aur Phir Apnay Maqsad ki Duaa mang ke sojana hai.

Amal YEH hai :-

Subbah Uth ke kissi bhi Aesi Jagah pe woh dana Dal de jaga Parinday aatay ho.
Yehi Amal Issi Tarteeb se 21 days tak jari rakhna hai .
Aakhri Din amal karnay ke bad ………Sawa Kilo (uncentrifuged sugar) Gur ke meethay chawal bana ke Samnay rakhen aur Fatiha Lagaen Hazrat Bibi Fatima (A.S) ke naam ki.

Jaha pea p roz daana daltay thay waha pe in chawalo ki 7 dheeriya laga ke kissi kahaz pe rakh ke aajaen.

Jo meri betian is Amal ko Karen. Woh apnay gher ke kissi bhi Admi se apnay gher ki chat pe ya kahin bahir bhi rakhwa sakti hai , jaha un ko Aasani ho.
Aur Is Amal ke baad Aglay Chand (new Moon) se Jab taka ap ko matloba Result na mil jaye ap rozana 101 Bar ALLAH Hu Samad paren raat ko Sotay waqt (is mai kissi kqisam ki Pabundi nahi hai wazifa ki)

Inshaa ALLAH Is amal ke baad ap ko heran kun nataeej milenge …bohot hi achhi jagah se ap ka Rishta aaye ga…Aur ap ki dil ki murd pori ho gi. Zindgi khushgawar Guzray gi.

Aap ki duaa ka Talabgar
Aap ka Sahil